ORACIÓNS SEMANA 25-29 ABRIL

LUNS 25 ABRIL 2016. NO NOME DO PAI, DO FILLO E DO ESPÍRITO SANTO. AMÉN

O 24 de abril de 1581 nacía San Vicente de Paúl nas Landas (Francia). Todos os membros do colexio queremos felicitalo como merece, por ser un modelo de persoa exemplar, pola súa axuda aos máis pobres, pola súa sensibilidade, por intentar crear un mundo mellor.

FELICIDADES, SAN VICENTE!

MARTES 26 ABRIL 2016. NO NOME DO PAI, DO FILLO E DO ESPÍRITO SANTO. AMÉN

Xesús usou a parábola dos dous debedores para ensinar sobre o perdón e a misericordia. A parábola vén despois dunha conversación co discípulo Pedro quen lle preguntou como se debe perdoar. Esta parábola axúdanos a entender a importancia do perdón nas nosas vidas e axúdanos a apreciar o feito de que un Deus bo e xusto perdoounos a nós. Xesús veu perdoar os nosos pecados, a ofrecernos esa misericordia de parte do Pai.

MÉRCORES 27 ABRIL 2016. NO NOME DO PAI, DO FILLO E DO ESPÍRITO SANTO. AMÉN

Fillos dun mesmo deus é unha crónica do noso tempo en forma de canción, onde a través duns personaxes e unhas situacións preténdese narrar como vive o home e como acaba anestesiado ante certos síntomas que padece a sociedade actual: Temas como o vertixinoso ritmo do noso tempo, a perda das relacións persoais en favor do "pantallismo online", o costume á violencia, a desconexión entre os cidadáns e o seu representantes... son algunhas das fotos que o autor utiliza para construír esta reflexión sobre a incomunicación nun mundo híper-conectado.

XOVES 28 ABRIL 2016. NO NOME DO PAI, DO FILLO E DO ESPÍRITO SANTO. AMÉN

A parábola do fillo pródigo é unha das máis fermosas historias contadas por Xesús, pois nela encérrase todo o Amor que o Pai sente por cada un de nós, os seus fillos

O fillo que é seducido por mil cosas e marcha lonxe do fogar, cae e non pode levantarse só, que estando no máis profundo da fosa, séntese perdido pero un raio de esperanza toca o seu corazón; é a graza de Deus que ilumina a súa conciencia, aínda que aínda non o recoñeza e hai algo no seu interior que lle fai querer volver; e volve para atopar o abrazo do pai que o espera para enchelo do seu amor.

Esta historia non se trata de perdón, aínda que está presente no silencio do encontro: o fillo que o pide e o pai que o outorga; na historia do fillo pródigo a gran mensaxe é a Misericordia, esa compaixón que brota desde o profundo do corazón para envorcarse en amor sobre a miseria do que sofre, a misericordia renova, restaura e salva e así é o Amor de Deus para cada un de nós.

VENRES 29 ABRIL 2016. NO NOME DO PAI, DO FILLO E DO ESPÍRITO SANTO. AMÉN

A nosa tarefa de estudantes é un gran compromiso para ir realizando día a día. Agora estamos a preparar o noso porvir. Co cumprimento fiel do deber escolar, debemos cultivar atentamente os valores que cada día se nos propoñen: a dignidade da persoa, o ser e sentirnos parte dunha familia, a honestidade, a fidelidade ao propio deber, a capacidade de colaboración, a solidariedade... Vivamos con entusiasmo a nosa mocidade, abertos a Deus Trindade que nos alimenta coa súa Palabra .

ORACIÓN 

Señor,

somos conscientes de que,

vivir hoxe neste mundo e nesta sociedade esixe estar espertos,

vivir con intensidade o día a día,

ser un mesmo e ter criterios propios. 

Axúdanos, Señor:

a tomar conciencia da nosa responsabilidade de estudantes.

Axúdanos a tomar interese

na nosa formación humana e cristiá. 

Axúdanos a traballar sen desalento

na construción da nosa persoa. 

Fortalece, Señor, sobre todo,

a nosa vontade.

Que neste tramo final do curso 

o noso esforzo e a nosa ilusión non decaian 

Grazas, Señor,

porque estamos seguros

de contar coa túa axuda de amigo. AMÉN