XOVES 19 SETEMBRO

NO NOME DO PAI, DO FILLO E DO ESPÍRITO SANTO

Momentos De Paz

Algunhas persoas entenden a paz como un estado caracterizado pola ausencia de guerras. Desde a educación para a paz definiuse este concepto como paz negativa. A paz positiva, en cambio, é un concepto máis amplo e máis ambicioso que recolle "o proceso de realización da xustiza nos diferentes niveis da relación humana. É un concepto dinámico que nos leva a aflorar, afrontar e resolver os conflitos de forma non violenta e cuxo fin é lograr a harmonía da persoa con ela mesma, coa natureza e coas outras persoas". Desta definición destacamos a idea do dinamismo. A paz non é un estado dado senón un proceso en cons0tante construción. Por iso require o compromiso e a implicación de todo o mundo ao actuar en favor da paz (idea de acción, de implicación) e en coherencia cos seus contidos (sen violencia). A suma destes dous aspectos –acción e ausencia de violencia– é o que chamamos non violencia.

PARA INTERIORIZAR:

Pensa en momentos de paz na túa vida. Compárteos cos compañeiros.

ORACIÓN: Ven, Xesús

Ven, Xesús!

Non sorrías dicindo que xa estás entre nós.

Hai millóns que aínda non te coñecen.

E de que serve coñecerte?

E por que a túa vinda,

se para os teus

a vida pasa coma se nada... ?

Convértenos.

Que a túa mensaxe se faga carne da nosa carne,

sangue do noso sangue,

razón de ser da nosa vida.

Que nos arrebate a tranquilidade da boa conciencia.

Que sexa esixente, incómodo,

porque é ese o único prezo que habemos de pagar,

para que chegue a Paz,

a Paz profunda,

a Paz diferente,

a túa Paz.