MARTES 17 SETEMBRO 2019

Cada curso ten a súa impronta. Parece que se semellan, pero non. Algo cambiamos nestes meses. Os alumnos/ as sodes os que máis cambiades. Os que onte erades uns nenos, hoxe xa non o sodes tanto. Tamén se renovaron as instalacións. Todo ten o cheiro a pintura, cheiro a novo. Ante nós ábrese unha xanela nova, un curso novo. Dez meses de curso. Dez xanelas novas para ampliar a nosa mirada, a nosa visión do mundo, de nós mesmos, da parte de misterio que se encerra tras unha xanela pechada que agora se abre á curiosidade, á aprendizaxe, á creatividade, á vida de fe, á LIBERDADE. Por iso, comezamos o curso 2019-2020 cunha oración reflexión. Que a 1ª xanela que abramos sexa a da confianza en Deus, para que o aire do seu Espírito refresque e airee a nosa casa interior.

Imos utilizar uns símbolos para achegarnos á realidade:

-       1º símbolo: Abrimos unha xanela ou varias á vez.

-       2º símbolo: Todos á vez, respiramos fondo o aire fresco que entra

-       3º símbolo: Acendemos -se se pode- unha vela que simboliza a confianza, a fe, que poñemos en Deus para este novo curso.

SALMO (todos xuntos)

                       

SEÑOR, amence un novo día. E con el, un novo curso.

Un día que se fixo posible grazas ao teu amor.

Vestíchelo coa túa mirada de creador e pai.

Décheslle todo o teu esplendor e beleza,

aínda que haxa días fríos e con choiva.

Ti déchesnos este novo amencer,

esta mañá de hoxe para seguir vivindo,

para seguir aprendendo

que Ti amences para todos por igual

Ao iniciar o curso, toma a miña vida, Señor.

Nesta mañá asómase a miña oración,

a través da luz da mañá, ten presente a miña oración.

Non deixes que, segundo avancen os días, os meus pasos se extravíen;

non deixes que te esqueza;

non permitas que desconfíe de Ti e do teu amor para comigo.

Non deixes que termine perdido/a

Fai que eu non sexa este curso dos que non xogan limpo,

Dos que non din verdade.

Ven, Ti, Señor, á miña vida, neste curso novo.

Cando me atope cos outros

fai que saiba ver o teu rostro escondido no seu,

aínda que doa, aínda que custe.

Por iso, amplía a miña visión,

abre a miña xanela interior.

Axúdame a non volver a mirada,

a ser sincera e a mirar de fronte.

Que o teu rostro se reflictan tamén no meu.

Axúdame, Señor, a atopar as palabras e os xestos oportunos,

para que ninguén saia ferido,

senón recoñecido como irmán ou irmá e compañeiros de camiño.

Gloria ao Pai e ao Fillo e ao Espírito Santo...