ORACIÓNS SEMANA 13-17 XUÑO

LUNS 13 XUÑO. NO NOME DO PAI, DO FILLO E DO ESPÍRITO SANTO

Estamos a piques de terminar o curso e comezar as vacacións. Moitos de nós propoñémonos cousas para facer no verán. Pensa ti tamén que facer: ir de campamento, estar no pobo, facer deporte, vivir a natureza, practicar idiomas, quedar con alguén que hai moito que non ves, xogar a algo especial cos teus amigos, pasear polo campo, subir algunha montaña, bañarte nun río, rezar uns minutos cada día, ler unha ou varias novelas, aprender a cociñar, axudar á nosa familia…

Temos por diante un verán amplo, necesitamos programar o que imos facer para que logo poidamos ter uns meses completos de experiencias que paguen a pena...

DO EVANXEO DE SAN MATEO (Mt 22,34-40)

«Naquel tempo, os fariseos, ao oír que Xesús fixera calar aos saduceos, formaron grupo, e un deles, que era experto na Lei, preguntoulle para poñelo a proba: «Mestre, cal é o mandamento principal da Lei?» El díxolle: "Amarás ao Señor, o teu Deus, con todo o teu corazón, con toda a túa alma, con todo o teu ser". Este mandamento é o principal e primeiro. O segundo é semellante a el: "Amarás ao teu próximo como a ti mesmo". Estes dous mandamentos sosteñen a Lei enteira e os profetas»

ORACIÓN (TODOS XUNTOS): Señor, ensíname os teus camiños (Sal 142)

 Señor, ensíname os teus camiños,

instrúeme nas túas sendas:

fai que camiñe como un mozo

que ten un corazón bo.

Ensíname, porque ti es

o meu Deus e o meu salvador.

E de ti fíome.

Ás veces equivócome,

non fago o que é correcto

e desvíome por senllas tortuosas.

Señor, sé compasivo e misericordioso,

paciente e fiel: revísteme de forza,

apártame do camiño falso

e guíame polas túas sendas.

Ensíname a cumprir a túa vontade.

O teu espírito que é bo

guíeme por terra chaira. Amén.

AVE MARÍA

MARTES 14 XUÑO. NO NOME DO PAI, DO FILLO E DO ESPÍRITO SANTO

DO EVANXEO DE SAN XOÁN (Xn 15,12ss)

«Este é o meu mandamento: que vos amedes uns a outros como eu vos amei. Ninguén ten amor máis grande que o que dá vida polos seus amigos. Vós sodes os meus amigos se facedes o que eu vos mando»

O verán tamén é unha oportunidade para estar cos nosos amigos e para facer novos amigos. Hoxe queremos lembrar aos nosos amigos e pensar naquelas cousas que, con eles, con quen tantas cousas compartimos, podemos pasar este verán.

ORACIÓN FINAL (TODOS XUNTOS)

Grazas, Señor, porque o amor dos meus amigos

faime sentir máis humano, máis comprometido.

A miña amizade por eles é un intercambio de ideas,

 de palabras, de silencios cheos de vida.

É deixar que a túa luz penetre as nosas vidas

e baixo esa luz, comprobar gozosamente

que xuntos buscamos a verdade,

que xuntos iluminamos as nosas existencias

e as dos nosos irmáns.

Señor, que cada vez sexamos máis amigos,

que a nosa amizade sexa cada vez máis forte e máis fermosa

e que cada un, ao reflectirnos na alma do outro,

atopemos o camiño do eterno. Amén

MÉRCORES 15 XUÑO. NO NOME DO PAI, DO FILLO E DO ESPÍRITO SANTO

DO EVANXEO DE SAN XOÁN (Xn 17,21-22.25)

«Que todos sexan un coma ti, Pai, estás en min e eu en ti. Eu deilles a gloria que ti mediches para que sexan un como somos nós. Pai, o mundo non te coñece. Que o amor que me tes permaneza neles».

Algunha vez pensaches en axudar a outras persoas no verán? Por que non o fas este mesmo verán? Desde logo, non é preciso que marches fóra. Basta con que teñas pequenos detalles de colaboración onde esteas. Anímate.

Para entender un pouco mellor a estes mozos, para entendernos, para pararnos e reflexionar sobre mundos aparentemente afastados pero en realidade moito máis próximos do que pensamos, convidámosvos a ver este vídeo. Trátase da experiencia dos misioneiros da comunidade de Mozambique, moitos deles mozos e mozas coma ti, moitos “nacidos” no seo de JMV e que decidiron marchar alén mar . Hoxe en día forman unha das comunidades que MISEVI (Misioneiros Seglares Vicencianos) ten no mundo axudando a que este sexa un pouco mellor. Unha experiencia de solidariedade intercultural co obxectivo de construír un mundo máis xusto, apoiando accións que promovan o desenvolvemento desde o compromiso co dereito de todas as persoas a unha vida digna. Hai moito que nos separa, pero tamén é moito o que nos une: costumes similares, ideas compartidas, preocupacións idénticas e as loitas de todos por unha vida mellor.

ORACIÓN (TODOS XUNTOS)

Señor, Ti dixeches

que cantos traballan pola paz

serán chamados fillos de Deus;

concédenos entregarnos

sen descanso a instaurar

no mundo a xustiza

que pode garantir

a todas as persoas do mundo

unha paz firme e verdadeira. Amén.

XOVES 16 XUÑO. NO NOME DO PAI, DO FILLO E DO ESPÍRITO SANTO

Aínda que queden poucos días para concluír o curso, aínda que nos invada a tentación de non facer nada, habemos de decatarnos, tamén en días como hoxe, que sempre “ao empezar cada xornada” temos por diante “o partido máis importante”, no que nos xogamos que facer con todas as posibilidades que temos. Non penses que isto a ti non che toca e sube ao tren dos que queren cambiar o mundo, dos que din si á vida, a Deus e aos demais cada día

DO EVANXEO DE SAN MATEO (Mt 6,25.33-34)

«Non andedes preocupados pola vosa vida, que comeredes, nin polo voso corpo, con que vos vestiredes? Buscade primeiro o Reino de Deus e a súa xustiza, e todas esas cousas daránsevos por riba. Así que non vos preocupedes do mañá: o mañá preocuparase de si mesmo. Cada día ten bastante co seu problema».

REFLEXIÓN: Cada día un agasallo de Deus

Cada xornada ten a súa preocupación, cada día ten as súas alegrías e problemas, e tamén posibilidades, retos…  E persoas e circunstancias coas que crecer e desenvolver os nosos mellores dons, e atoparnos con Deus. Non desperdicies este día, sal ao campo a dalo todo no terreo de xogo. Quizais non deberiamos afanarnos nin preocuparnos tanto polo futuro, nin facer demasiados plans Seguramente podemos confiar máis en que Deus sostén a nosa vida, e investir máis no día a día. Cada xornada é un reto e un agasallo de Deus.

ORACIÓN (TODOS XUNTOS)

Grazas Señor, por este día

que hoxe nos ofreces enteiro, sen estrear,

cheo de momentos para aproveitar.

Grazas Señor,

por deixarnos vivir outro día,

porque sabemos que hai días

que non nolos merecemos.

Grazas Señor,

por acordarte de nós

cando máis te necesitamos.

En definitiva Señor,

grazas por estar aquí connosco. Amén

VÍDEO: Decálogo da serenidade, de Xoán XXIII. 

VENRES 17 XUÑO. NO NOME DO PAI, DO FILLO E DO ESPÍRITO SANTO

Na nosa vida somos melodía para os demais. Ás veces somos música estridente, outras veces acougada, e mesmo, noutras ocasións, ruído.

Como foi a banda sonora deste curso?

Lectura do santo evanxeo segundo san Mateo (11, 25-27)

«Naquel tempo, exclamou Xesús: «Douche grazas, Pai, Señor de ceo e terra, porque escondiches estas cousas aos sabios e entendidos e reveláchesllas á xente sinxela. Si, Pai, así che pareceu mellor. Todo mo entregou o meu Pai, e ninguén coñece ao Fillo máis que o Pai, e ninguén coñece ao Pai senón o Fillo, e aquel a quen o Fillo llo queira revelar»

Dinámica

1. Pensa cal foi a banda sonora deste ano. Relaciona unha CANCIÓN que che guste moito con como che foron as cousas este ano. Podes escribir algunha frase da canción.

2. Podemos crear tamén a BSO do curso? Que canción pode recoller o vivido este curso na clase?

Oración

Señor, fai que sexamos capaces de brindar amor para despois pedir, que perdoemos para poder seguir. Recodando que só temos unha viaxe de ida e por iso hai que darlle grazas á vida. Amén