LUNS 29 XANEIRO 2018. NO NOME DO PAI, DO FILLO E DO
ESPÍRITO SANTO
Lector 1:
Estamos na Semana da Paz.
É un tempo do ano no cal queremos
pensar e darnos conta da importancia de educarnos para ser persoas de paz.
Lector 2:
Temos que convencernos de que os nosos
problemas non se resolven a golpes.
Temos que desexar fortemente utilizar
todos os medios razoables e nunca recorrer á violencia.
Lector 1:
No mundo hai moita xente violenta e a
nós ás veces tamén nos veñen as ganas de selo.
Por iso pedímoslle a Deus a súa axuda e
a súa forza para crecer e educarnos como xente de bo corazón que quere o amor e
a paz.
TODOS:
Señor, fai de
min un instrumento da túa paz:
Onde haxa odio,
fai que eu leve amor.
Onde haxa
ofensa, que eu leve o perdón.
Onde haxa
discordia, que eu leve a unión.
Onde haxa
dúbida, que eu leve a fe.
Onde haxa erro,
que eu leve a Verdade.
Onde haxa
desesperación, que eu leve a esperanza.
Onde haxa
tristeza, que eu leve a alegría.
Onde haxa
tebras, que eu leve a luz.
Lector 2:
Señor, fai que
non busquemos tanto
ser comprendidos, senón comprender;
ser consolados, senón consolar;
ser amados, senón amar.
TODOS:
Porque é dando,
como se recibe.
É perdoando,
como un é perdoado.
É morrendo, como
se resucita á Vida Eterna.
(S. Francisco de Asís)
MARTES 30 XANEIRO 2018. NO NOME DO PAI, DO FILLO E
DO ESPÍRITO SANTO
A PAZ, INGREDIENTE FUNDAMENTAL PARA A FELICIDADE
DÍA ESCOLAR DA PAZ E A NON VIOLENCIA
EVANXEO: Xoán 14, 25, 27
«Dígovos isto
agora que estou ao voso lado. Déixovos a miña paz, douvos a miña paz: non vola
dou como a dá o mundo. Que non trema nin se acovarde o voso corazón».
LECTURA
Estamos afeitos
ver “pelis” en que a única solución ante os problemas que nos suceden é a
resposta violenta. E se imos ao cine ou estamos no sofá vendo a tele saltamos e
aplaudimos de gozo cando os “bos” zurran
aos “malos”. Estamos afeitos ver
violencia e morte. E o máis perigoso de todo isto é que xa non nos chama a atención.
Estamos rodeados
de violencia! Pero hai oasis de paz… se miramos en profundidade e con
serenidade descubrimos que na nosa vida cotiá triunfa a paz, o consenso, a
concordia, o bo humor, o compañeirismo… Si, non nos deixemos enganar… unha
cousa é a tele e as pelis, e outra nosa vida de cada día. Unha cousa é a
historia e outra moi distinta ten que ser o presente e o futuro que o
construímos entre todos e todas nós.
REFLEXIÓN
Temos bos
modelos a seguir: Xesús de Nazaret,
Martin Luther King e a Gandhi, que o
lembramos hoxe 30 de xaneiro, o día da súa morte e o día no que nos colexios de
España celebramos o Día da Non-Violencia e da Paz. Coa súa vida déronnos un
exemplo de que coa paz pódese ser moi feliz e contaxiar de felicidade auténtica
a quen nos rodea.
Anímate a vivir
coma eles! Anímate a vivir en paz!
MÉRCORES 31 FEBREIRO 2018. NO NOME DO PAI, DO FILLO E DO ESPÍRITO SANTO
SERMOS FELICES CONSTRUÍNDO A PAZ
EVANXEO: Mateo 5, 9
« Felices os que practican a paz, porque (eles) serán os fillos de Deus».
LECTURA
Unha das maiores ilusións de todo ser humano hoxe, dada a convulsión do
noso mundo, sería poder ver e ler en televisións e xornais esta Boa Nova:
Estalou a bomba da paz. Si, porque a paz non é ideal utópico que poidamos
deixar ao entusiasmo de certos grupos de soñadores. A paz é unha condición
indispensable para garantir a subsistencia de toda a humanidade. A paz é un don
de Deus, pero é unha responsabilidade nosa, de cada ser humano. A paz, como
todo don de Deus ao home, debe contar coa nosa boa dispoñibilidade e a nosa
total colaboración. A paz, aspiración de todos os homes e de todos os pobos,
non quere dicir soamente ausencia de guerras, non se reduce ao equilibrio de
forzas contrarias, nin nace dun dominio despótico, senón que con razón e
propiedade defínese como a obra da xustiza. E a xustiza exprésase principalmente
no respecto á dignidade das persoas e dos pobos e na axuda eficaz ao seu
desenvolvemento e progreso en igualdade de oportunidades. A paz ha de fraguarse
no corazón de cada persoa, de cada un de nós. Non podemos desentendernos dunha
tarefa de importancia decisiva para a humanidade. A paz é algo que implica a
cada home e a cada muller segundo as súas propias competencias e
responsabilidades. Da xustiza de cada un nacerá a paz para todos.
XOVES 01 FEBREIRO 2018. NO NOME DO PAI, DO FILLO E DO ESPÍRITO SANTO
XOVES 01 FEBREIRO 2018. NO NOME DO PAI, DO FILLO E DO ESPÍRITO SANTO
Lector 1:
Oxalá chegue un día en que todos os exércitos do mundo non fagan falta, porque os países non queren xa arranxar os seus problemas loitando con armas.
Oxalá chegue o día en que ninguén se atreva xa a quitar a vida a outro ser humano.
Oxalá entendésemos dunha vez que é moito máis barato... pero moito máis barato! evitar unha guerra que pagar as súas mortes e as súas desfeitas.
Lector 2:
Pai Deus, nós desexamos sementar o mundo de paz
E, para conseguilo, sabemos que temos que educarnos plantándoa en cada corazón.
Ensínanos que perdoar é un signo de grandeza
e que a vinganza é un sinal de bajeza.
TODOS:
Señor, fai de min un instrumento da túa paz:
Onde haxa odio, fai que eu leve amor.
Onde haxa ofensa, que eu leve o perdón.
Onde haxa discordia, que eu leve a unión.
Lector 1:
Ás veces preguntámonos por que se fabrican armas.
Ás veces tamén nos dicimos por que hai xente que cultiva no seu corazón o odio e non o amor.
Por iso pedímoslle a Deus,
TODOS:
Onde haxa odio, Señor, fai que eu leve amor.
Onde haxa ofensa, que eu leve o perdón.
Onde haxa discordia, que eu leve a unión.
Lector 2:
Ás veces xorden enfados entre nós ou na nosa casa e coa nosa familia.
Se queremos educarnos para a paz, temos que pensar que é moito máis o que nos une que aquilo que nos separa.
Temos que pensar que nunca hai razón suficiente para mirar ao "outro" como alguén a quen hai que quitar do noso camiño.
Lector 1:
Sabemos que hai paz entre nós cando facemos todas as cousas con xustiza,
e cando non somos egoístas e pensamos nos demais.
Por iso, neste terceiro día da Semana da Paz, pedímoslle a Deus
TODOS:
Señor, ensínanos a ser xenerosos:
fai que non busquemos tanto
ser comprendidos, senón comprender;
ser consolados, senón consolar;
ser amados, senón amar.
AMÉN.
VENRES 02 FEBREIRO 2018. NO NOME DO PAI, DO FILLO E
DO ESPÍRITO SANTO
Lector 1:
Hai un poeta que di:
“Onde haxa unha árbore que plantar,
plántaa ti.
Onde haxa un erro que solucionar, soluciónao
ti.
Onde haxa un esforzo que todos
esquiven,
acéptao ti.
Sé o que apartou do camiño a pedra,
o odio dos corazóns
e as dificultades do problema”.
Lector 2:
E é que nos gustan as cousas ben feitas
e que todo estea en orde.
Pero ás veces pensamos que quen ten que
facer as cousas son os demais.
Lector 1:
É o que lles pasa a algúns coa paz.
Lector 2:
Somos nós os que temos que facer a paz
no noso colexio e na nosa familia.
Lector 1:
Se che gusta a paz, edúcate para a paz.
Lector 2:
Se de maior queres ser unha persoa de
paz, ensaia desde agora a ser un neno de paz.
ORACIÓN DAS NACIÓNS UNIDAS
TODOS:
Señor,
a nosa terra é
só un astro pequeno,
perdido na
inmensidade do universo.
Tarefa nosa é
facer dela un planeta
onde non vivamos
atormentados polas guerras,
nin torturados pola fame e o terror,
nin desgarrados
e divididos
por ideoloxías,
razas ou cor da pel.
Dános acerto e
valentía
para poñernos
desde hoxe “ao choio”
co fin de que os
nosos fillos
e os fillos dos
nosos fillos
poidan un día
chamarse con orgullo homes e mulleres.
