PREGÓN DE ADVENTO

Achandade os camiños!

Achandade, si, todos os camiños da terra

porque o Señor está preto.

El virá e encherá de esperanza

a todos os que a perderon.


Virá na noite para ser Luz.

Virá para acompañar os cansos;

os eternos desilusionados.

Xa poden cantar vitoria

aqueles que se crían abandonados;

xa está o Salvador á porta.


Achandade os camiños!,

abride camiños de esperanza,

os que pasades por este mundo

sen encontrar sentido á vida.


Achandade os sendeiros porque El virá!;

virá coma orballo da mañá,

resgará os corazóns de pedra

e abrandará a dureza da nosa terra seca.


Virá o Señor, non tardará!

esperádeo no albor da vosa casa,

porque sen facer ruído

virá e iluminarao todo co seu amor. Amén.

ORACIÓNS ADVENTO